Cavite — Isang babae mula sa Cavite ang laking gulat nang malaman lamang na siya ay buntis sa mismong araw na siya ay manganganak na, isang pambihira at hindi pangkaraniwang kaso na ikinagulat maging ng mga health workers.
Ayon sa ulat, dinala sa ospital ang babae matapos makaranas ng matinding pananakit ng tiyan na una niyang inakala ay dahil lamang sa karaniwang karamdaman. Ngunit nang siya ay masuri ng mga doktor, doon lamang nakumpirma na siya ay nasa active labor na at ilang sandali na lamang ay iluluwal na ang sanggol.
Sinabi ng babae na wala umano siyang naranasang malinaw na sintomas ng pagbubuntis tulad ng pagsusuka, paglaki ng tiyan, o hindi regular na regla, dahilan upang hindi niya maisip na siya ay nagdadalang-tao.
Ayon sa mga eksperto, may mga bihirang pagkakataon ng tinatawag na “cryptic pregnancy” o pagbubuntis na hindi agad napapansin dahil sa kakaunti o hindi tipikal na mga senyales.
Sa kabila ng pagkabigla, ligtas namang naisilang ang sanggol at nasa maayos na kalagayan ang mag-ina, ayon sa ospital.
Pinapayuhan ng mga doktor ang kababaihan na regular na magpatingin sa health centers at agad magpatingin sa doktor kung may nararamdamang kakaiba sa katawan, upang maiwasan ang mga ganitong sitwasyon.
.jpg)
0 Comments